Carlos Taibo pentsalari eta idazle espainiarra Matadeixen izan zen atzo, asteazkena. Matadero Ekintzak taldeak Lumaltik Herriak gobernuz kanpoko erakundearekin elkarlanean antolatutako saioa izan zen atzokoa, eta Taibok geopolitika kontuak izan zituen hizpide. Hain justu, Ukrainaz, inperioez eta militarismoaz hitz egin zuen Matadeixeko areto nagusia bete zuten herritarren aurrean.
Madrilgo Unibertsitate Konplutentsean Administrazioetako eta Politika Zientzietako irakasle izan zen Taibo, baina, egun erretiratuta dago. Globalizazioaren aurkako mugimenduaren, desazkundearen, zuzeneko demokraziaren eta anarkismoaren alde egindako lanagatik da ezaguna. 30 liburu baino gehiago idatzi ditu hark, bai gazteleraz, bai galegoz.