Herritar ugari bertaratu zen atzo 18:00etarako Kontzejupera, Pilotari Egunaren antolatzaile den Txulue elkarteak antolatutako bi eta erdiko pilota txapelketaren lehen partidak ikusteko. Buruz buruko lau partida jokatu zituzten atzo, eta aste honetan, gaur eta bihar ere izango dira, bosna egun bakoitzean, 18:00etan hasita.
Gizonen bi eta erdikoaz gain, gizon-emakumeen binakako txapelketak ere antolatu ditu Txuluek. Emakumeen txapelketarako hiru bikotek eman dute izena, eta 32 bikote ariko dira nor baino nor gehiago gizonen txapelketan. Binakako txapelketako zozketak ez ditu egin oraindik Txuluek; datozen asteetan ekingo diote modalitate horri.
Honako hauek izango dira bi eta erdiko txapelketaren gaurko eta biharko partidak:
- Apirilaren 3an, osteguna, 18:00etan:
- Tomao-Alex
- Joanes Garmendia-Mujika Lander
- Kaxka-Lizertza
- Beñat Arrieta-Lur Goenaga
- Xomorro-Kuku
- Apirilaren 4an, ostirala, 18:00etan:
- Gorka Z.-Markel
- Aramburu-Iraitz
- Juin-Zabale
- Txorrotxa-Errasti
- Epelde-Sudupe