Azkoitia eta Urretxu arteko bidegorria itxita egongo da hainbat egunez. Gipuzkoako Foru Aldundiak jakinarazi duenez, lur mugimenduak izan dira 26. kilometro puntuan, eta orain, lur erauzketarako ezponda egonkortzeko lanak egingo dituzte. Lanak apirilaren 16rako amaitzea aurreikusi du erakundeak, eta beraz, ordura arte itxita egongo da bi herrien arteko bidegorria.
Bestalde, bidegorri berean, iazko otsailean izan zen luizia egonkortzeko lanak ere esleituta ditu aldundiak. Prozesu horren azken izapideak ari da egiten orain erakundea eta uda hasierarako obrei ekiteko moduan izango direla azaldu du. Obren lizitazio-aurrekontua 269.438 eurokoa izan da, eta obrak egiteko aurreikusitako epea hiru hilabetekoa.