Xabi Artetxek Realean ibilbidea hasi du, Donostiako futbol klub horretako jubenilen A taldeko bigarren entrenatzailea izango baita datorren denboraldian. Horrenbestez, Lander Garcia entrenatzailearekin lan egingo du tekniko azkoitiarrak.
Artetxek aurrez badu esperientzia entrenatzaile lanetan, sei urtez Anaitasuna futbol klubeko gizonen talde nagusia zuzentzen aritu baitzen. Aurrez, talde horretako jokalaria ere izan zen. Iazko denboraldia amaitu zenean utzi zuen hark Anaitasuna.