Duchenne Gaixotasunaren Kontzientziaziorako Nazioarteko Eguna izango da ostegunean –irailak 7–, eta aldarrikapen horrekin bat eginez, elkarretaratzea egingo dute egun horretan Azkoitiko plazan, 19:00etan hasita. Izan ere, Azkoitian bada Duchenneren giharretako distrofia duen herritar bat –Lucas, 6 urte–, eta haren senitartekoek zein Marea Urdina elkarteak bertara agertzeko deia egin diete herritarrei.
Gorria da Duchenne gaitzaren kolorea, eta beraz, deitzaileen asmoa da etzi plaza gorriz koloreztatzea. Bide batez, egunean zehar zerbait gorria janztera animatu dituzte herritarrak, beren babesa adieraz dezaten.
Iaz, Duchenne Gaixotasunaren Kontzientziaziorako Nazioarteko Egunean, Azpeitian egin zuten elkarretaratzea.