Natur guneak industrializatuz martxan diren edo egin nahi dituzten hainbat proiektu salatzeko asmoz, datorren larunbatean manifestazio nazionala egingo dute Gasteizen Lurraren defentsan Euskal Herria bizirik! lelopean, eta hara joan-etorria egiteko autobusa antolatu dute Sañu Bizirik zein Oletan ere Ez! taldeek. Azkoititik eta Azpeititik aterako da autobusa.
16:00etan irtengo da autobusa Azpeitiko anbulatorio aurretik, eta Azkoititik 16:15ean igaroko da. Eroski txikiaren aurrean geldialdia egin ondoren, 18:00etan egingo duten manifestaziora abiatuko dira. Itzulera ordua, berriz, 21:00etan izango da.
Dagoeneko eman daiteke izena autobuserako. Azpeitian, Jim Clarck, Urtzi, Haginpe eta Etxe-Zuri tabernetan egin daiteke. Azkoitian, berriz, Atraskua eta Etxe-Aitz tabernetan eman behar da izena, osteguna baino lehen. Protestan parte hartzera gonbidatu nahi dituzte herritarrak.