Datorren igandean, uztailak 10, Azkoitiko Udal Musika Bandak kontzertua eskainiko du San Jose egoitzan. Herriko musikariak egoiliarren aurrean arituko dira 11:45etik aurrera, eta besteak beste, Urrategiko martxa, danborradako abestiak eta abesti dantzagarriak joko dituzte.
Kontzertua baino lehen, ordea, kalejira egingo du Udal Musika bandak herriko kaleetan zehar; 11:00etan hasita, Urrategiko Amaren eguna ospatzeko kalerik kale joko ditu abestiak musika bandak.