Zenbait urtez ospatu gabe egon ondoren, bueltan da Pelotai Eune. Ekainaren 18an, larunbata, ospatuko dute aurten Azkoitian pilota eta jaia uztartzen dituen eguna. Aurten ere Kontzejupeko pilotalekuaren bueltan elkartuko dira herriko pilotazaleak.
Beste behin, Kontzejupeko binakako pilota txapelketa jokatuko dute. Parte hartzaile kopuruaren arabera, Pelotai Eune baino zenbait aste lehenago ekingo diote txapelketari. Oraindik izen-ematea itxita dagoen arren, antolatzaileek jakinarazi dute "laster" irekiko dutela horretarako epea. Era berean, datozen asteetan emango dute txapelketaren gaineko informazio guztia, baita Pelotai Euneri lotutako ekintzen berri ere.