Azkoitiko Zubiaurre igeri elkarteko Pello Benitezek igeriketako Espainiako Txapelketa irabazi du, 50 metro libre proban. Master mallako txapelketa asteburuan jokatu dute Pontevedran (Galizia), eta urrezko domina ez ezik, zilarrezko eta brontzezko beste bana ere eskuratu ditu.
Urrezko domina bezalaxe, estilo libreko proban irabazi zuen zilarrezko domina ere; kasu horretan, baina, 100 metroko distantziako lehian. Brontzezko domina, berriz, 50 bular probak eskuratu zuen azkoitiarrak. Beste domina bat irabaztetik gertu izan da, gainera, Benitez: izan ere, 100 estiloak proban laugarren postuan sailkatu zen.