Itaiako kideak asistentzia lanez eta emakume langileen zapalkuntzez aritu dira hizketan, gaur, igandea, Elkarguneko Herriko Plaza aretoan izan den hitzaldian. Martxoaren 8aren bueltan antolatu duten egitarauaren barruko saioa izan da, eta hainbat herritar joan da hitzaldia entzutera.
Beste hainbat konturen artean, emakumeak lan mundura sartzean azaleratu ziren hainbat auzi eta gatazka izan dituzte hizpide solasaldian. Asistentzia lanen inguruan sakondu dute, eta horiek emakume langileen bizimoduan nola eragiten duten ere azaldu dute. Hainbat adibide jarri dituzte Itaiako kideek, baita Urola Erdiko hainbat datu mahagaineratu ere.
Itaiakoak gai berberaz aritu ziren atzo, larunbata, Azpeitian eta Zestoan.