Martxoaren 13an, Go!azen 7.0 Kontzertua zuzenean jarraitzeko aukera egongo da Baztartxo Antzokian. Bi emanaldi eskainiko dituzte; lehen saioa 17:00etan hasiko da, eta bigarrena, 19:00etan. Sarrerak datorren ostegunean, hilak 4, 10:00etan jarriko dituzte saltzen Entradium plataforman; sei eurotan erosi ahalko da sarrera bakoitza.
Orain arte antzokietan sekula egin ez duten ikuskizun berri batekin etorriko dira aurten Go!azen telesaileko protagonistak Azkoitira: kontzertua. Azken denboraldi honetako sei aktore oholtza gainean arituko dira abesten, dantzatzen eta telesailari buruzko kontu dibertigarriak azaltzen. Denboraldi berriko abestiak eta aurreko denboraldietan kantatutako abesti ezagunenak uztartuko dituzte Azkoitiko emanaldian.