Bulego musika taldeko Tomas Lizarazu eta Ruben Lizarralde San Jose egoitzan izan ziren atzo arratsaldean, hango egoiliarrei eta langileei beren musika eskaintzen.
Azkoitiko taldeak adinekoen egoitzetako egoiliarrei eta haien zaintzaileei eskainitako Gure izarrak kantua sortu du, eta inon zabaldu aurretik, egoitzetan emanaldiak egiten ari dira taldekideak. Aurreko egunetan Zornotzako (Bizkaia), Zumaiako eta Azpeitiko egoitzetan aritu ostean, atzo arratsaldean Azkoitiko egoitzan izan ziren. Gure izarrak abestiaz gain, beste batzuk ere jo zituzten, eta egoiliarrak gustura hartu zuten musikarien bisita.