Duela aste batzuk Elkarguneko futbol zelaiko belar artifizala ezarri zuten, eta Azkoitiko Udalak adierazi duenez, "azken ukituak" egiten ari dira orain zelai berrian. Saskibaloi kantxa zegoen lekuan jarri dute futbol zelai berria, eta 113.012 euroko aurrekontua izan dute lanek.
Udalak adierazi duenez, COVID-19a dela-eta ezarritako neurriek uzten dutenean irekiko dute zelai berria. Bestalde, igerilekua handitzeko proiektua gauzatu bitartean, bi futbol zelai izango dira kanpoko gunean. Izan ere, belar artifizialezko zelaia igerileku berriaren exekuzio proiektuaren barruan egitea aurreikusten zen, baina premia ikusita, futbol zelaiaren lanak aurreratzea erabaki zuen udalak.