Gaur, ostirala, Erniarraitz bertsozale elkarteak antolatutako bertso saioa egin dute Azkoitiko Floreagako On Bosco aretoan. Igor Elorza, Alaia Martin, Jone Uria eta Amets Arzallus bertsolariek parte hartu dute Iker Iriarte gai-jartzaileak gidatu duen saioan.
Egungo neurriak hartuta eta edukieraren %60an, bete egin da On Bosco aretoa. Herritarrek bezala bertsolariek gozatu ederra hartu dute aspaldiko partez. Konfinamenduaren ostean areto barruan egin duten lehen bertso saioa izan dela azaldu dute lau bertsolariek.