Atzo, igandea, ospatu zuten Batasunaren Festa Floreaga Ikastetxeko ikasle ohiek. 1938tik 1947ra egin zuten salestarrek lehen etapa Azkoitian, eta garai hartako 23 ikasle ohik On Bosco eguna ospatu zuten atzokoan.
Eguerdian meza izan zuten Floreagan bertan, eta Alai Batzak haurren abesbatzak hainbat abesti eskaini zituen. Urtero bezala talde argazkia atera zuten gero, eta handik Azpeitiko Hotel Loiolara joan ziren bazkaria egitera.