Grebaren eragina nabarmena ari da izaten Azkoitian goizetik herrian; saltoki ia denak itxita daude —goizeko lehen orduan zabalduta zeuden batzuk itxi egin dituzte gero—, eta lantegi askok ere grebarekin bat egin du. Protesta ekitaldiak eguerdiko kanpaikadekin batera hasi dituzte: herriko plazan ehunka lagunek parte hartu dute dute Azkoitiko Greba Batzordeak deitutako elkarretaratzean. Plazan elkartu dira horiek, eta Lan-Pentsio-Bizitza duina. U30 greba orokorra lelodun pankarta eskuetan egin dute kontzentrazioa.