Euskal Herriko goma gaineko sokatira txapelketa Azkoitian hasi da. Atzo, larunbata, Gurea pilotalekuan jokatu zuten txapelketako lehen jardunaldia gizonek nahiz emakumeek. Emakumeetan nahiz gizonezkoetan Lesakako (Nafarroa) Beti-Gazte sokatira taldekoak izan ziren txapeldunak.
Ibarra, Beti-Gazte, Txantrea, Bedaiotz eta Gaztedi taldeak aritu ziren nor baino nor emakumeetan, eta guztiek guztien aurka jokatu zuten. Gizonetan sokatirako zortzi talde lehiatu ziren, eta horiek guztiek ere elkarren aurka jokatu zuten; kasu honetan, Ibarra, Beti-Gazte, Goiherri, Zuraide A, Zuraide B, 6 Conceyos, Abadiño eta Murueta taldeak jardun zuten lehian.