Los Zopilotes Txirriaos Nafarroako musika taldeak kontzertua emango du datorren zapatuan, Azkoitian. 23:00etan hasiko da emanaldia, herriko plazan. Los Zopilotes Txirriaos Iruñean sortutako rantxera taldea da.
2009an sortu zen Impekables taldearen ondoren, eta orain, Napar-Mex izenez ezaguna den estiloan dihardute talde berrian. Nafarroako eta Mexikoko doinuen konbinazioa da nagusi beren abestietan. Abestutako kantuek bidelagun izango dituzte oholtzan tronpeta, tronboia, gitarra, trikitixa, baxua eta bateria.