Ohiturari jarraituz, San Agustin jaiak ospatu dituzte Aizpurutxo auzoan, eta beste urte batez ez du hutsik egin bertso afariak. Atzo, asteazkena, adin guztietako hainbat lagun elkartu ziren Itziar jatetxean afariaz eta bertsoez gozatzeko. Iaz bezala, Iban Urdangarin eta Iker Zubeldia bertsolariak aritu ziren kantuan, trikitilariez lagunduta. Giro ederra nagusitu zen Aizpurutxon, eta aurtengoaz gozatuta, hurrengo urtera arte agurtu dituzte sanagustinak.