Herri Krowfoundiñe izenarekin, andramarietako txosnak aurrera ateratzeko diru bilketa jarri du martxan Azkoitiko Herri Mugimenduak. Hain zuzen ere, itsulapikoak jarri eta hiru eta bost eurotako bonoak salgai jarriko dituzte herriko hainbat tabernatan eta Lur belardendan; Ttakun, Etxe-Aitz, Galipan, Koxka, Zakela, Zurt, Latz eta Dean tabernetan izango da kanpaina diruz laguntzeko aukera.
Txosnagunearen egitaraua, zehaztuta
Bestetik, aurreko astean aurkeztu zuen txosnaguneko egitaraua xehetasun eta zehaztapen guztiekin eman du orain Herri Mugimenduak, bezpareko txupinazoari dagokionez, bereziki. 14an, San Martinen egingo dute txupinazo alternatiboa, LGTBIkolektiboaren eskutik, eta handik jaitsita irekiko dituzte txosnak, ondoren.
Bestetik, txosnetako txandak osatzeko orrialdea sortu dute Interneten. Txandaren bat bete nahi duenak lotura honetan sartuta aukera dezake berea.