Azkoitiko Udalak antolatutako bisita gidatuen eskaintzak jarraipena izango du asteburuan. Ezagutu Azkoitiko altxorrak egitarauaren barruan, Udaleko Ondare eta Turismo zinegotzia den Juan Bautista Mendizabalek gidatuta, gune historiko monumentala eta parrokia ezagutzeko aukera izango da.
Gaur, abuztuak 3, 12:00etan parrokiatik abiatuta, bisita gidatua egingo dute gune historiko monumentala ezagutzeko; gainera, 11:00etan parrokia zabalduko dute bisitatu nahi dutenentzat. Bestalde, bihar, igandea, parrokian bertan izango da bisita, 12:00etan.
Azkoitiko altxorrak ezagutzeko antolaturiko bisita gidatuak doakoak dira, eta horietan parte hartzeko ez dago aurrez izena eman beharrik. Nahikoa da aipatutako orduan interes gunera gerturatzearekin.