Azken txanpan sartu da Azkoitiko 3x3 Futbol Festa. Joan zen asteazkenaz geroztik ari dira 800 bat neska-mutil plazan egokitutako futbol zelai txikian partidak jokatzen, eta gaur izango da lagunarteko txapelketako azken eguna.
Aurreko urteetan bezala, 5 eta 12 urte bitarteko umeak ari dira norgehiagokak jokatzen, 2007 eta 2014 urteen artean jaiotakoak, hain zuzen ere. Hamar herritako gaztetxoak ari dira Azkoitiko Futbol Festan lehiatzen: Azkoitia, Azpeitia, Errezil, Zestoa, Zumaia, Getaria, Zarautz, Urretxu, Zumarraga eta Legazpi.