Azkoitiko palistek igandean jokatuko dute Gipuzkoako Herriarteko Gomazko Pala Txapelketako finala, Donostiako Altza auzoko pilotalekuan. 11:00etan hasita, Tolosaren aurka neurtuko dituzte azkoitiarrak indarrak, herri horretako kirolariek Usurbil lehiatik kanpo uztea lortu baitute. Lehen partida Iker Epeldek jokatuko du pilotaleku osoan; bigarrena, binakakoa, Jokin Aizpuruk eta Igor Juaristik; eta hirugarrena, Markos Azpirozek zazpi koadroren barruan.
Hernaniren aurkako finalerdiak irabazita, joan zen ostegunean lortu zuen Azkoitiak finalerako txartela.