Azkoitiko Xabier Munibe Ikastolako Ikaskirol taldeak antolatutako Ikaskirol Krosaren 37. edizioa egingo dute ekainaren 9an. Urtero bezala, Azpeitiko eta Azkoitiko ikastetxeetako ikasleek parte hartuko dute bertan; gutxi gorabehera, 900 bat ume izan ohi dira. HH5etik DBH2ra bitarteko ikasleek parte har dezakete, eta proba guztiak mistoak izango dira.
Lasterketak amaitzean, 12:30 aldera, sari banaketa egingo dute. Sariak LH5etik DBH2ra bitarteko ikasleentzat izango dira, eta lehenengo hiru neskentzat eta hiru mutilentzat. Gainera, opariak zozkatuko dituzte lasterkari guztien artean; hori bai, proba bakoitzeko lehenengo hiru sailkatuak ez dira zozketan sartuko. Horrez gain, parte hartzaile guztiek domina jasoko dute.
Hona hemen lasterketen ordutegia:
-HH4: (400 metro): 10:30
-HH5 (400 metro): 10:45
-LH1 (550 metro): 10:55
-LH2 (550 metro): 11:05
-LH3 (1.100 metro): 11:15
-LH4 (1.100 metro): 11:25
-LH5 (1.550 metro): 11:35
-LH6 (1.550 metro): 11:45
-DBH1-2 (2.000 metro): 11:55