Orion Ehiza eta Arrantza elkarteak antolatuta, kaiolako galeper tiraketa izango da larunbatean, hilak 18, Azkoitiko Izarre Jandaloko zelaietan. Gipuzkoako Kopako txapelketa izango da, eta proba puntuagarriak 12:00etatik 13:00etara eta 16:00etatik 17:30era egingo dituzte. 09:00etatik 12:00etara entrenamendu saioa egingo dute.
Txapelketan parte hartzeko beharrezkoa izango da federazioko lizentzia izatea. Parte hartu nahi duten beteranoek 24 euro ordaindu beharko dute izen ematea, eta gainontzekoek, 30 euro; junior mailako parte hartzaileek 18 euro ordainduko dute txoriengatik, baina txapelketan parte hartu nahi izanez gero hamabi euro gehiago ordaindu beharko dute. 1.500 euroko saria egongo da, besteak beste.