Idi apustua jokatu zuten atzo, igandea, Azkoitiko Gurea probalekuan, 18:00etan hasita. Alde batetik, Isidro erretegia ordezkatzen aritu ziren Aitor Olarrea eta Asier Alegria; eta bestetik, Urtia ordezkatu zuten Ander eta Jakoba Tubillak. Ipintza harria erabiliko zuten idiek, eta Isidro erretegiaren idi parea izan zen irabazlea.
Izan ere, Urtiaren idiek 38 itzuli egin zizkioten harriari, eta Isidro erretegiak lan horiek ondu zituen, eta bi minutu eta erdi soberan gelditu zitzaizkion. Urtiaren idiek 87 kiloko gainkarga eraman zuten, eta Isidrorenek 45 kilokoa. Proba irabazita, 3.000 euro jaso zituzten Isidro erretegikoek.