Azkoitiko Gazte Geroa taldeak antolatutako hitzaldi zikloa aurrera doa; izan ere, gaur, osteguna, izango da solasaldietan hirugarrena. Xabier Euzkitze kultur eragile eta aholkulariak emango du saioa, Euskal kulturaren eguna eta etorkizuna izenburupean. Elkargunean izango da solasaldia, 18:30ean.
Laugarren eta azken hitzaldia Leire Arrieta Deustuko Unibertsitateko historia irakaslearena izango da. Hain zuzen ere, Euskadi Irratiaren sorrera eta ibilbidea izenburupean eskainiko du hitzaldia Arrietak maiatzaren 13an, ostegunez. 18:30ean izango da solasaldia, Elkargunean.
Aurretik bi hitzaldi izan dira Gazte Geroak antolatutako zikloaren barruan: Iñaki Goioganarena eta Xabier Madariagarena.