Azkoitiko Plaza Ondo jubilatuen elkarteak Oriora eta Aginagara joateko irteera antolatu du hilaren 23rako, eta gaurtik zabalik da harako izen-ematea. Herritarrek hilaren 16ra bitartean izango dute izena emateko aukera, jubilatuen elkarteko bulegoan, 35 euroan.
Hilaren 2an, ostegunez, 10:30ean abiatuko dira Aizkibel liburutegiaren ondoko autobus geltokitik. Oriora joango dira lehendabizi, eta 12:00etan meza abestua jarraitzeko aukera izango dute. Ondoren, denbora librea izango dute, eta 14:30ean Aginagako sagardotegi batean bazkalduko dute. Bazkalostean, erromeria egingo dute musika talde baten eskutik.