Iazko Pelotai Euneko irudia.
Datorren ekainaren 8an izango da Azkoitiko V. Pelotai Eune, eta martxoaz geroztik dago zabalik data horren aurretik jokatuko den pilota txapelketan izena emateko epea. Berez, atzo, astelehena, amaitzen zen lehian izena emateko epea, baina antolatzaileek astebete luzatu dute epe hori. Beraz, maiatzaren 6an, astelehena, izango da izena emateko azken eguna.
Aurten ere nesken eta mutilen binakako txapelketak antolatu dituzte Pelotai Eunera begira. Egunotan izena emateko asmoa duten bikoteek Tta-kun tabernan izango dute horretarako aukera. Momentuz, gizonezkoen 31 bikotek eta emakumezkoen seik eman dute izena txapelketan.