Azkoitiko Intsausti jauregiko berritutako fortepianoaren doinuek hartu dute gaur jauregi horretako aretoa. Musika tresna historiko hori berritu zutenetik eskaini duten lehen emanaldia izan da gaurkoa, eta fortepianoari klabezin eta klabikordio doinuek lagundu diote. Esteban Elizondo, Loreto Fernandez eta Loreto Aramendik eskaini dute kontzertua, eta dozenaka lagun izan dira horien emanaldiaz gozatzen. (Emanaldiko argazkiak Maxixatzen.eus atarian ikus daitezke)
Euskalerriaren Adiskideen Elkarteak XVIII. mendeko eraberritutako fortepianoa joan zen abenduan aurkeztu zuen. Broadwood Ingalaterrako etxeak egindako musika tresna da, eta Italiako Umberto Debiaggi etxeak zaharberritu zuen. Haren inaugurazio ekitaldian Miriam Ulanga organo-jotzaileak estreinatu zuen fortepianoa.