Azkoitiko Anaitasuna mendi bazkunak antolatutako aurtengo lehen mendiko eski irteera egin zuten hainbat lagunek joan den asteburuan. Pirinioetara egin zuten txangoa: larunbatean, Petrechemara (2.371 metro) eta Paquiza de Linzolara igoz itzuli zirkular bat egin zuten, eta igandean, Gamuetako tontorrera igo ziren (2.324 metro), giro eguzkitsuarekin. Giro paregabea izan zuten azkoitiarrek, eta mendiko eskia praktikatzeko eguraldi aparta.