Eduki hau partekatzeko esteka arbelera kopiatu da.
Danbor hotsek hartu zituzten zapatu gauean Azkoitiko kaleak, San Andres jaien barruan, helduen danborrada egin baitzuten. Ospakizun hori aprobetxatu zuen Sostenipe asanblada feministak emakumeenganako indarkeriaren kontrako mezuak herriratzeko. Izan ere, atzo, azaroak 25,Emakumeenganako Indarkeriaren Kontrako Eguna izan zen. Zapatuko danborradan, beltzez jantzita eta indarkeriaren kontrako kartelak eskuan hartuta agertu ziren Sostenipeko neskak plazara. Astean zehar ere beste hainbat ekintza egin dituzte azaroaren 25aren bueltan prestatutako egitarauaren barruan, hala nola kale antzerkia eta autodefentsa feminista saioa.