Eduki hau partekatzeko esteka arbelera kopiatu da.
Igor Zubeldia Realeko futbolariak Oñatiko Txantxiku Txuriurdinak peñaren omenaldia jaso zuen atzo, talde horrek jokalari kuttun izendatu baitu azkoitiarra. Gaztelekuan egin zuten ekitaldia, eta bertaratutako lagunek futbolariarekin argazkiak ateratzeko aukera ere izan zuten. Zubeldiari ohorezko aurreskua egin zioten Onatzeko dantzariek, eta Lizasoren bertsoen ostean, txapela jantzi zion Xabier Ibarzabal peñako lehendakariak azkoitiarrari. Aloña taldeko banderatxoa ere eskuratu zuen futbolariak. Iñigo Martinez izan zen Txantxiku Txuriurdinak taldeko jokalari kuttuna Athleticera joan aurretik, eta haren talde aldaketa tarteko jaso du peñaren izendapena Zubeldiak. (Argazkiak: Reala)