Azkoitia Eguna ospatu dute gaur egun osoz, Herrixen merkatari elkarteak antolatuta. Azkoitiko bertako merkataritza sustatzeko asmoarekin hainbat ekintza antolatu du elkarteak: txu-txu trena ibili da herrian zehar; trikitilariak izan dira; tonbola antolatu dute merkatariek; haurrentzako puzgarriak izan dira Balda plazan eta jolasak herriko plazan. III. Zakelmari Pintxo Lehiaketa ere jokatuko da gaur, eta bertan zazpi tabernak (Tta-kun, Latz, Zurt, Koxka, Orbela, Errexil eta Etxe-Aitz) parte hartuko dute. Piper berdea osagai nagusi gisa hartuta prestatuko dituzte pintxoak.