Jokin Ormaetxea Txirrindulari Elkarteak antolatuta, Martitteko Igoera jokatu dute gaur goizean, Azkoitiko Andramari jaietako egitarauaren barruan. Beste urteetan arratsaldez egin badute ere, aurten goizez izan da proba. 11:00etan abiatu dira txirrindulariak Azkoitiko plazatik, eta Martirieta auzora igo dira.
Guztira, 33 lagunek parte hartu dute proban, eta Jabier Unanue izan da azkarrena; 12 minutu eta 55 segundo behar izan du proba amaitzeko. Haren atzetik sailkatu da Mikel Zendoia, 13:00 denborarekin, eta hirugarren azkarrena Alberto Astigarraga izan da, 13:28 denborarekin.
Hona hemen gaur hartutako irudiak: