Azkoitiko abesbatzako kideez gain, Igeldoko Lezkarri koruko lagunak ere ariko dira kantuan bihar. Zortzina kantu abestuko dituzte Iraurgik eta Lezkarrik. 20:00etan hasiko dira kontzertuak
Azkoitiko Iraurgi abesbatzak kontzertua emango du bihar, ekainak 9, Andre Mariaren Jasokundearen parrokian, 20:00etan hasita. Azkoitiko koroa ez da izango zuzenekoa eskainiko duen bakarra, ordea. Izan ere, Igeldoko Lezkarri abesbatza ere Azkoitian izango da bihar. Euskal musika korala zein atzerriko doinuak ezagutaraztea da Lezkarri abesbatzaren xedea. Bi abesbatzek zortzina abesti kantatuko dituzte bihar, eta elkarrekin beste bi kantu abestuko dituzte. Nahi duen pertsona oro hurbil daiteke biharko entzunaldietara.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide