Eduki hau partekatzeko esteka arbelera kopiatu da.
Baserritarrak eta baserriko bizimodua txalotzeko asmoz, Herri Jaia ospatzen ari dira gaur Azkoitian. Herriko plazan bederatzi postu jarri dituzte goizean, eta bertan, barazkiak, landareak, loreak, gazta, eztia, ogia nahiz gozoak erosteko aukera egon da. Horrez gain, Ikurrinaren plazan Eusko Labela zuen txahala erre dute eta, eta 1,5 euro ordainduta pintxoa jateko aukera eskaini dute. Pintxoei laguntzeko, hainbat sagardo mota dastatzeko aukera egon da, basoa euro batean erosita. Haurrentzat ere txokoa prestatu dute Goiko Losan, hainbat puzgarri egon da 14:00ak bitartean.