Azkoitiko kirol eta kultur taldeen "erakusleiho" izateko sortu dute Herrikoloreak egitasmoa. Irailaren 15ean I. Kultur Eguna ospatuko dute, eta egun horri oihartzuna emateko sortu dute abestia.
Indartsu ari da loretzen Azkoitiko kultur eta kirol taldeek martxan jarritako Herrikoloreak egitasmoa. Irailaren 15ean Azkoitian egingo duten I. Kultur Egunerako antolaketa lanekin jarraitzen dute, eta hitzordua herriratzeko eta hari oihartzuna emateko Herrikoloreak abestia kaleratu dute. Gainera, Interneten jarri dute entzungai, Youtube, Spotify nahiz Soundcloud webguneetan.
Urtzi Azkuek sortu du abestia eta hark jarri dio ahotsa. Kantuaren hitzak, baina, Erniarraitz Bertsozale Elkarteak sortu ditu. Koruak egiteaz, aldiz, Andrea Pozo –Silence musika taldeko abeslaria– Rocio Larrañaga, Ane Lizarralde eta Itziar Elias azkoitiarrak arduratu dira. Hona hemen Herrikoloreak abestia:
https://youtu.be/hdj44AVwkW8
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide