Argazkian, Julen Garate moderatzailea eta Larraitz Ugarte (EH Bildu) eta Luke Uribe-Etxebarria (EAJ-PNV) legebiltzarkideak. (Argazkia: Azkoitiko Gure Esku Dago)
Erabakitzeko eskubideaz aritu ziren EH Bilduko Larraitz Ugarte eta EAJko Luke Uribe-Etxeberria atzo arratsaldean Elkargunean eskaini zuten Zergatik erabaki hitzaldiaren barruan. Azkoitiko Gure Esku Dagok antolatu zuen saioa, Julen Garateren gidaritzapean, eta ordubete luzez aritu ziren bi legebiltzarkideak solasean, 50 lagunen aurrean.
Bestetik, etzi, Donostia, Bilbo eta Gazteiz artean ekainaren 10ean egingo duten giza katearen aurkezpen ekitaldia egingo dute, 12:00etan, Elkargunean.
Azkoitiko GEDk herriko gazteekin argazkia atera zuen joan zen ostiralean, giza kateari babesa adierazi eta ekimenera atxiki daitezen beste gazteak ere. Hain zuzen, ostegunetan pintxo potearekin batera eta larunbatetan 11:00etatik 13:30era bitartean eliza atarian izaten dira herritar guztien atxikimenduak jasotzen.