Akauzazte musika taldeak bihar, larunbata, kontzertua eskainiko du, 20:00etan, Bilboko Azkuna zentroan. Atzo, osteguna, hasi eta igandera bitartean musika esperimentala eta soinu artea oinarri dituen jardunaldiak eta kontzertuak antolatu ditu Bilboko Azkuna zentroak. Azkoitiko Matadeixen sortu zen Akauzazte musika taldea, 1992an. Sei urte geroago, 1998. urtean, atera zuten lehen diskoa Ur gardenak, eta ordutik musika taldeak ibilbide luzea egin du. Azken urteetan, kontzertu bakan batzuk bakarrik eman ditu Akauzaztek. Azken diskoa, zortzigarrena, 2015ean atera zuen boskoteak: Etzazuaka.

• 2015eko ekainean HITZAk elkarrizketa egin zion Akauzazteri: "Boskotea izateak indarra eman digu".