Azkoitiko XIII. Herri Lasterketarako eman daiteke izena

Azkoitiko Herri Lasterketa, iaz. (Hitza) Raka Maraton Kirol Elkarteak antolatuta, Azkoitiko XIII. Herri Lasterketa egingo dute azaroaren 25ean, eta bertan parte hartzeko izena eman daiteke dagoeneko. Hainbat modutara inskribatu daiteke: Azpeitiko eta Azkoitiko kiroldegietan, Donostioako Robers dendan eta herrikrosa.eus webgunean. Aurrez izena ematen dutenek 10 euro ordainduko dute, eta egunean bertan, 14:30etik 16:00etara egiten dutenek 15 euro ordainduko dute. Azaroaren 25ean, 16:30ean hasiko da proba, eta 10 kilometroko ibilbidea izango dute korrikalariek.