Argazki bilduma: Herrixen Eguna ospatzen ari dira Azkoitian

Herriko merkatari txikiak bultzatzeko asmoaz atzo eta gaur II. Herrixen Eguna ospatzen ari dira Azkoitian, Herrixen Azkoitiko merkatari elkarteak antolatuta. Gaur, larunbata, egun guztian zehar hainbat ekitaldi egin dituzte: goizean txorizo dastaketa egin dute Kontzejupean, trikitilariek girotuta. Torrezurin, berriz, egun guztian tonbola zabalik eduki dute merkatariek. Txu-txu trena ere egun guztian zehar ibili da. Umeentzako puzgarriak eta marrazki tailerra izan dira arratsaldez, plazan. II. Zakelmari Pintxo lehiaketa ere egingo dute. Tta-kun, Orbela, Koxka, Zurt, Latz eta Etxe-Aitz tabernek hartuko dute parte lehiaketan, eta, haiek prestatutako pintxoak jateko aukera izan dute herritarrek, euro baten truke. Iluntzean egingo dute sari banaketa, Torrezurin. [flickr_set id="72157689664827396"]