Irailaren 13ko gauerdia bitartean eman ahal izango da izena www.kirolprobak.com webgunean. Probako parte-hartzaileek bi ibilbide izango dituzte aukeran: 33 kilometrokoa eta 23 kilometrokoa. Iazko edizioan 195 lagunek parte hartu zuten.
Azkoitiko Anaitasuna Mendi Bazkunak Mangaixue mendi bizikleta martxaren bigarren edizioa prestatu du datorren irailaren 16rako. Iaz egin zuten martxa aurreneko aldiz, eta eguraldi txarra eginagatik, 195 lagunek parte hartu zuten proban. Aurtengorako eman daiteke izena dagoeneko www.kirolprobak.com webgunean, irailaren 13ko gauerdira bitartean. Federatuek hamar euro ordaindu beharko dute izen-ematea, eta gainerakoek hamahiru euro.
Irailaren 16an Plaza Berritik aterako dira martxako parte-hartzaileak, 15:15ean. Horiek bi ibilbide izango dituzte aukeran: luzea, 33 kilometrokoa; eta, laburra, 23 kilometrokoa. Orain arte, 39 lagunek eman dute izena martxan.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide