Iker Sarasua dantzari gazteak (Azkoitia, 2003) Gipuzkoako Bikote Gazteen LXII. Dantza Suelto Txapelketa irabazi zuen joan den ekainaren 3an. 2012an, 9 urterekin hasi zen txapelketetan, eta dagoeneko hiru aldiz sailkatu da lehen hiru postuetan.
Iker Sarasua. (Maxixatzen)
Gipuzkoako dantza txapelketako txapela jantzi berri duzu. Zer-nolako bizipena izan zen?
Txapelketetan hasi nintzenean, zaila ikusten nuen txapel bat lortzea, eta helburu nagusia dantzan hobetzea eta ondo pasatzea izan da beti. Egindako lan guztiaren ordaina izan da Trintxerpen lortutako txapel hau, eta, horren ondorioz, poz handia sentitu nuen.
2015ean hasi zinen Enara Arrizabalagarekin txapelketetan, eta 2016an birritan lortu zenuten 3. saria. Indartsu hasi zarete, ezta?
Urte eta erdian asko hobetu dugu, lan handia egin dugu eta. Gogoa edukita eta asko saiatuta, hobekuntzak nabaritzen dira. 8 eta 16 urte bitarteko bikoteak gabiltza dantza solteko txapelketetan, eta maila ona dago.
Urteko zein sasoitan hasten da dantza solteko txapelketen denboraldia?
Maiatzaren 1ean hasten da denboraldia, Lazkaon, eta santomasetan bukatzen da, Azpeitian.
Jarraitu elkarrizketa irakurtzen Maxixatzen.eus atarian.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide