Baldintzapean utzi du aske epaileak epaiketa bitartean. Galiziara bidean doaz bere senideak eta lagunak.
(Maxixatzen.eus)
Jose Ramon Lete Traki preso politiko azkoitiarra baldintzapean aske utzi du epaileak, epaiketara bitartean. A Lamako (Pontevedra, Galizia) espetxean zegoen preso azkoitiarra. 2001eko abenduaren 21an hartu zuten preso Frantzian, eta, urte luzez, Frantziako espetxean egon ondoren, Galizian zegoen orain.
Xabin Juaristi Torre Sareko kideak jakinarazi duenez, Galiziara bidean doaz Leteren senideak eta lagunak. Juaristiren hitzetan, ez dakite espetxe kanpoan edo barruan dagoen momentu honetan Lete. Hala ere, bihar 6:00ak edo 7:00ak inguruan Azkoitian izango direla aurreikusten dute. Eta, 13:30ean, herriko plazan ongi etorria egingo diote.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide