Peñafloridaren irudiaren aurkako erasoa salatu dute

KULTURA // Frantzisko Xabier Maria Munibe Idiakez Peñafloridako kondearen irudiari «eraso» egin izana salatu du Azkoitiko Udalak. Erakundeak jakinarazi duenez, ezezagunek pintura bota eta lepoan soka jarri zioten zapatuan, Xabier Munibe kaleko irudiari. Javier Zubizarreta Azkoitiko alkatearen arabera, «estatuak eraso bandalikoa» jasan du, eta horiek ez dira «ezer adierazteko moduak». Alkateak esan du «ekintza isolatua» izatea espero duela, eta elkarbizitzarekiko eta herriarekiko errespetua eskatu du. Dagoeneko egin dituzte irudiari pintura gorria kentzeko lanak.