Azken hilabeteetan gora egin du nabarmen edukiontzietan jasotzen den material desegokien kopuruak. EH Bilduk datuak "manipulatzea" leporatu dio udal gobernuari.
Duela pare bat aste «kezka» azaldu zuen Azkoitiko Udalak azken hilabeteetan nabarmen gora egin duelako edukiotzi bakoitzean jasotzen diren material desegokien kopuruak. Urola Erdiko Mankomunitateak osatutako azterketen arabera, organikoaren eta ontzi arinen edukiontzietan gertatzen da hau batez ere, eta, ondorioz, materialak ondo ez banatzeak "kostu handia eragiten dio udalari".
Egun indarrean dagoen hondakinen sistema mistoa. (Ane Olaizola)
Irailaren 30eko udalbatzarrean azaleratu zen EAJren eta EH Bilduren arteko desadostasuna. Udalbatzarreko gai zerrendan ez bazegoen ere, hondakinen egoeraz galdetu zion alkateari Urrategi Alberdi EH Bilduko bozeramaileak bere azken saioan –Alberdi eta Jexux Oteiza EH Bilduko zinegotziek kargua utzi zuten egun berean–, eta larritzat jo zuen sailkatutako bilketa tasak asko jaitsi izana. Hala, jarraipen batzordea osatzeko eskatu zion koalizioak, talde politiko nahiz herriko eragileak bilduz bertan. Javier Zubizarreta alkateak ezezkoa erantzun zuen, EAJren ustez batzordeek betetzen dutelako hain justu zeregin hori. Zubizarretak esan zuen, Atez Atekoaren Aurkako Plataformarekin eta Zero Zabor taldearekin kontaktuan daudela. Herritarrak birziklatzera animatuz adierazpen bateratua egitea proposatu zion koalizioari Zubizarretak; EH Bilduren iritziz, ordea, ez luke adierazpen bateratuak zentzurik izango jarraipen batzorderik gabe.
Gukak zu bezalako irakurleen babesa behar du tokiko informazioa euskaraz eta modu profesionalean lantzen jarraitzeko.
Izan Gukakide
Izan Gukakide