Abadiño garaile IV. Joxe Azkue txapelketan

Hamalau talde lehiatu ziren igandean XXXIII. Azkoitiko Hiria-Xake Txapelketan eta Joxe Azkueren IV. Omenaldian. Abadiño izan zen garaile lehian 41,5 puntu lortuta. Puntu bat gutxiagorekin bigarren postua lortu zuen Barakaldoko taldeak eta Gros Xake Taldea hirugarren izan zen 38,5 punturekin. Anaitasuna Kakute Xake Elkarteak antolatutako txapelketan Joxe Azkue herritarra omendu zuten laugarren urtez. Kontzejupen bertan jaso zuen alargunak lore sorta eta herriko xake taldekoen babesa.