Bizkargi kalea itxita dago, lanak direla-eta

Azkoitiko Bizkargi kalean konponketa lanak hasi ditu udalak aste honetan, eta beraz, kalea itxita dago. Udalaren arabera, hilabete inguru egongo da horrela. Izan ere, ur zikinen sarea hobetu eta espaloia konpontzeko lanak egingo dituzte han. Bizkargi kaleko 10-18 eta 3-9 zenbakien arteko zatia dago itxita ibilgailuentzat, eta bertako bizilagunek ezingo dute han aparkatu. Zirkulazioa, beraz, Trino de Uria eta Ugarte kaleetatik bideratu dute.