Joan den astean hasi eta bihar arte Xirikatzen Kultur Astearen baitako ekitaldiak izango dira Azkoitian, bertako Kultur Mahaiak antolatuta. Gaur, larunbata, eguerdi artean eskulanetako tailerrak, sebillana dantzen emanaldia eta kale antzerkia izan dira Balda plazan; gainera, kale antzerkiaren baitan “ekonomiako ikastaroa” ere eman dute.
Gaur, larunbata, arratsaldean, batukada taldea ibiliko da kaleetan, eta 22:00etan, San Joan sua izango da Balda plazab. Gero, erromeria da Aitor Sorazu eta musika eskolako trikitilariekin.
Bihar, igandea, 12:00etan, plazan erakusketak izango dira eta segidan 12:30ean, Iraurgi abesbatzarekin kantu poteoa. 13:00etan, musika eskolakoen kontzertua eta Kultur Asteko ekitaldieki bukatzeko, 17:00etatik aurrera plazan tailerrak izango dira: serigrafia, bitxigintza, ehungintza eta sebillanak.
